0.1 C
Munich
Sunday, December 5, 2021

Ekki útilokað að gos fylgi hlaupi úr Grímsvötnum

Must read

Samkvæmt upplýsingum frá Veðurstofunni í morgun hélst sighraði íshellunnar nokkuð jafn í nótt. GPS mælir Veðurstofunnar sýnir að hellan hefur sigið um 25 sentímetra frá því um klukkan tíu í gærmorgun. Engar markverðar breytingar hafa hins vegar mælst í Gígjukvísl hvort sem er vatnshæð, rafleiðni né gas.

Hlaupið hefst ekki á dramatískan hátt

Áður fylgdi reglulega gos í lok Grímsvatnahlaupa, síðast árið 2004. 

„Það er alveg raunhæfur möguleiki og menn eru að fylgjast með því og verða vakandi fyrir því að þetta gæti gerst. Það væri þegar færi að síga á seinni hluta hlaupsins, það væri svona líklegast,“ sagði Magnús Tumi í Morgunútvarpinu á Rás tvö í morgun.

Hann segir byrjun á Grímsvatnahlaupum ekki vera dramatískur atburður.

„Það bara byrjar að seytla vatn, svo rís þetta hægt og rólega. Það er bara nefið sem ákveður það [hvort um hlaup sé að ræða], eða mælar. Það er ekki einhver flóðbylgja, þetta er ekkert þannig.“

Mun meira vatn en í Skaftárhlaupi í sumar

Talið er að hámarksrennsli verði um fimm þúsund rúmmetrar á sekúndu en hlaup af þeirri stærðargráðu mun að öllum líkindum hafa lítil áhrif á vegi og brýr á Skeiðarársandi. Magnús Tumi segir að nú sé þó töluvert meira vatn í Grímsvötnum en verið hefur síðustu 25 ár.

„Í Grímsvötnum er núna kannski þrefalt eða fjórfalt meira heldur en var í Eystri-Skaftárkatli sem hljóp núna í sumar. Ef við förum svo lengra aftur þá var oft miklu meira vatn í Grímsvötnum. Þau hafa breyst töluvert, en þetta er talsvert meira heldur en verið hefur á síðustu 25 árum.“
 

More articles

spot_img

Latest article